Páskaspenningur!

Þriðjudagur, 7. apríl 2009

Kannast einhver við páskaföndur? Ungar og egg og hitt og þetta. Hér á bæ er gjarnan perlaður nettur skammtur af ýmsu páskaskrauti, svo er til slatti úr skólanum og síðan þau voru í leikskólanum. Þegar við vorum komin með greinar í vasa á tveimur stöðum og enn var slatti eftir sem átti eftir að hengja upp brugðum við á það ráð að skella restinni á gardínustöngina í eldhúsinu. Þetta er útkoman:

Svo heppileg vill til að við erum með tvo glugga svo báðir eru nú ósköp páskalegir og ekkert þarf að fara aftur inn í skáp.

Dýrunn er aðal skreytarinn og í gær blés hún úr sex eggjum og skreytti fagmannlega. Það kallar á bakstur hjá kerlunni og ég ætla að vera svo gamaldags að skella í vínarbrauð með rabarbarasultu. Ég fann slatta af henni þegar ég tók til í ísskápnum í gær.

Þarna sést skutlan með eitt eggið sem hún málaði.

Mér þykir ótrúlega gaman að halda upp á ýmislegt sem þau hafa föndrað í gegnum tíðina og uppáhalds páskaunginn fékk sér myndatöku í gær þar sem hann tróndi á gardínustönginni. Höfundur þessa svipprúða fugls er Friðrik og hann gerði hann á leikskólanum í sínum tíma.

Hér eru að hefjast framkvæmdir í barnaherbergjum. Friðrik flyst á neðri hæð og Dýrunn í hans herbergi og að sjálfsögðu þarf að fínisera og mála svo ég tali nú ekki um að finna stað fyrir draslið sem er fyrir í herberginu.

Njótið frídaganna þegar þeir koma Smile

Flokkur: Bloggar | Facebook

Athugasemdir

Já,Vínarbrauð

Sjonni (IP-tala skráð) 7.4.2009 kl. 21:49

Já þú verður að rölta við áður en þau klárast. Hér eru þrír úlfar sem eru mjög spenntir fyrir vínarbrauðinu . Ekki síst sá stærsti og feitasti, enda ástæða fyrir því hvað ég baka það sjaldan.

Solveig Friðriksdóttir, 7.4.2009 kl. 22:03

Alltaf gaman af páskaföndri barnanna, ég held að það sé ennþá eitthvað til af páskaföndri hér niðri í kössum frá því að Alda og Hilmar voru á leikskólanum... Gleðilega páska.