Að gleypa froskinn....

Éttu froskana fyrst. Brian Tracy byggir tímastjórnunarbókina Eat That frog á einfaldri samlíkingu. Ef það erfiðasta sem þú þyrftir að gera þegar þú kæmir til vinnu að morgni væri að borða lítinn slímugan frosk, hvenær væri þá best að gera það? Svarið er augljóst: STRAX. Illu er best af lokið. Þú ert það sem þú hugsar, Guðjón Bergmann, bls 84-85.

Smá inngangur að sögu dagsins.  Ég spurði Dýrunni svipaðrar spurningar um daginn þegar við sátum við morgunverðarborðið og hún ætlaði aldrei að hafa sig í að taka lýsisbelgina sína.  Stundum tekur það um 20 mín. með reglulegri áminningu og stundum dulítilli óþolinmæði. 

Þegar spurningin hafði verið borin fram svaraði Friðrik (oft duglegur að svara á undan systur sinni), "STRAX AUÐVITAÐ". "Já" svaraði ég, "það er best að gera það strax því annars verður hann stærri og stærri mann kvíðir alltaf meira og meira að gleypa hann".  Þá tók Dýrunn við sér, " OJ, já en það er ekki hægt að gleypa svona heila froska". "Nei, sagði ég, þetta er svona líking til að hjálpa manni að takast á við hlutina". "Er kannski hægt að steikja þá?" spurði sú stutta......  Þar með var sú röksemdafærsla úr sögunni og ég hvatti hana til dáða meðan hún kom belgjunum niður. 

En þessi líking er skemmtileg og ég hugsa oft um hana því slímugi froskurinn kvakar á mig allan daginn ef ég fresta sífellu því sem ætlunin var að gera.  

Froskurinn er táknrænn fyrir mikilvægustu verkefni dagsins. Mikilvægustu verkefnin eiga það nefnilega til að vera erfiðust líka og þar af leiðandi verkefnin sem fólk bíður með. Ef þú klárar þau fyrst verður allt auðvelt í samanburði. Þú ert það sem þú hugsar,bls 85

 Hver er froskurinn þinn í dag ? 

Athugasemdir

[halla björk (IP-tala skráð) 8.3.2009 kl. 22:34]

haha dýrunn greinilega með svör við öllu :)

[Solveig Friðriksdóttir, 10.3.2009 kl. 22:22]

Já hún er algjört æði. Hún er líka búin að safna upp í tvískjáa DVD spilara og kaupa hann. Gerir það sem hún stefnir að, frábært !