Fátt þykir mér yndislegra...

..en jóga í morgunsárið. Loksins gafst færi á að vera með laugardagsjógað með jógahópnum sem ég er að kenna. Þær báðu mig vinsamlegast um að vera á rólegu nótunum og þannig er það nú að ég er það stirð eftir nætursvefninn að rólegheit á morgnana henta mér best. Við gerðum liðkandi og losandi æfingar í klukkutíma og slökuðum svo á í um korter mmmmmmmmmmmmmm þvílík dásemd.Það var mikið stunið alla leið út úr húsi svo vel leið þeim eftir herlegheitin. 

 Þær eiga heiður skilinn þessar duglegu konur sem eru búnar að koma til mín ár eftir ár í jóga og eru með toppmætingu alltaf hreint. Nú eru liðnar fjórar vikur af jóganu okkar á haustönn og ég og þær finnum svo mikinn mun hvað varðar styrk og liðleika. Það hægist yfirleitt aðeins á yfir sumartímann en alltaf er maður fljótari að komast í formið þegar byrjað er og á alltaf meira og meira inni. 

Ég var mjög dugleg við hugleiðsluna í sumar enda er hún svo yndisleg að það hálfa væri hellingur (að mínu mati).  Ég geri líka alltaf æfingar allan ársins hring en er markvissari á veturna þegar ég er með námskeiðin, æfi nýjar útfærslur til að kenna og svoleiðis.

 Hafið það eins og þið viljið í restinni af helginni.................

Athugasemdir

[Hallan (IP-tala skráð) 27.9.2008 kl. 22:29]

Ég er náttúrulega svo fádæma liðug að upplagi að það væri að bera í bakkafullan lækinn að stunda jóga í ofanálag, hehe! Ber þann ótta í brjósti að festast í óviðurkvæmilegri stellingu ef ég reyni eitthvað í áttina að þessum æfingum sem maður sér í jóganu - það væri svo endemis eftir mér.

Hef hafið niðurtalningu að hittingnum ógurlega - það verða væntanlega ekki leiðinlegar stundir hjá okkur systrunum...

[Solveig Friðriksdóttir, 28.9.2008 kl. 18:35]

Það væri nú gaman að sjá liðleikann hjá systrunum um helgina en ég læt Dúduna og Ragnheiði sjá um skemmtiatriðin Hlakka mikið til og farin að gera sérstakar æfingar til að styrkja kviðvöðvana fyrir hláturrokurnar....

[Magnús Guðjónsson, 1.10.2008 kl. 09:27]

Ég hef nú bara einu sinni á ævinni farið í Jóga og það á Breiðdalsvík í fyrra.  Ef ég man rétt þá var nú fín slökun í þessu, allavega áður en Danskurinn mætti á staðinn og fleigði manni um allan salinn, þá var nú gott að vera slakur.. Kannski fæ ég jógatíma í bónus ef ég kem mér einhverntíma þarna austur eftir aftur.  Hafðu það annars gott og til hamingju með árangurinn í September.

[Solveig Friðriksdóttir, 1.10.2008 kl. 19:23]

TAkk Maggi, 2-7-1 ótrúlega flott.  Við hittumst svo næst í Bornmouth þar sem ég verð fjarri góðu gamni þann 11. Fókusinn í fínu lagi og allt í fullum gangi.

Þú getur fengið einkatíma í litla jógalandinu mínu í kjallaranum hvenær sem er, svo framarlega sem ég er heima . Það yrði svolítið skrautlegt eða eigum við að segja ÓTRÚLEGT ef Jósef tæki tímann. 

[Sesselja Fjóla Þorsteinsdóttir, 2.10.2008 kl. 15:06]

Hahahah verð að segja að ég er alltaf smá smeik um það sama og Hallan , það er að festast í einhverri jógastellingu. En án gríns þá er ég að huga að því að sækja einn tíma allveg á næstunni.

[Solveig Friðriksdóttir, 3.10.2008 kl. 12:01]

Það sýnir hvað þið vitið lítið um jógað Um að gera að prófa enda engin hætta á að meðaljóninn festist í einhverri stöðunni þar sem það þarf áralanga þjálfun til að ná einhverju slíku flóknu og er í sjálfu sér ekki markmiðið með iðkuninni.