Tossa de Mar..... here we come :)

Eftir eina viku, á þriðjudagsmorgni skreiðumst við á fætur og horfum út um gluggann.  Þetta er ekki alveg sjónarhornið sem við höfum því við verðum aðeins nær ströndinni, hún verður í seilingarfjarlægð.

Í tíu daga ætlum við að sóla okkur og skoða okkur um í nágrenni Tossa og verjum svo þremur dögum í Barcelona þar sem ég fer á Herbalife ráðstefnu meðan Jósef og krakkarnir skoða borgina og gera eitthvað skemmtilegt.  Ekki veitir af að hlaða Herbalife batteríin af meiri orku, slíkt og þvílíkt er stuðið að ég hef aldrei vitað annað eins. Var að gera minn allra besta mánuð frá því ég byrjaði, bæði í smásölunni og kennslulaununum. Ekki leiðinlegt start á sumrinu.

Ég gef engin loforð um bloggfærslur, fer allt eftir tengingum og hvort ég nenni yfir höfuð að setjast of mikið við tölvuna í fríinu nema ef ég skyldi senda viðskiptavinum vörur gegnum netið, allt svo auðvelt á þessari tækniöld.  Það kemur í ljós.

Við keyrum suður á föstudag og nóg að gera þessa tvo daga fram að för. Ég er furðu róleg í niðurpökkun, er aðeins að læra að það sé betra að hafa minna en meira og geri mitt besta í að fara eftir því. 

Ég fer á námskeið á laugardag "Þú ert það sem þú hugsar2" og hlakka mikið til að læra enn meira hvernig ég get nýtt með allt sem ég lærði á fyrra námskeiðinu og hef nú þegar nýtt mér vel.

Að öðru leyti ætlum við að hafa það rólegt, láta bjóða okkur í mat hér og þar og verja 5 ára brúðkaupsafmælinu okkar á sunnudaginn með Hafdísi og Sóla og þar fáum við líklega eitthvað gott í mallann ef ég þekki mágkonu mína rétt.

Bestu kveðjur í bili, bíðið spennt hvort ferðasagan birtist hér eða ekki og hafið það nákvæmlega eins og þið viljið. 

Athugasemdir

[Örvar (IP-tala skráð) 4.6.2008 kl. 12:17]

Er bara að kvitta fyrir komu minni hingað og ég vona að þið skemmtið ykkur úti ;)

p.s. (segðu Friðriki að vera duglegur að æfa sig)

[Solveig Friðriksdóttir, 4.6.2008 kl. 19:08]

Ég skal skila því, reyndar eru eingöngu fótboltaæfingar svona yfir sumartímann. Hann er strax farinn að hlakka til að fljúga einhvern daginn og að nafn þitt verði lesið upp sem flugstjórinn Eins gott að standa sig .

[Sesselja Fjóla Þorsteinsdóttir, 5.6.2008 kl. 10:07]

  Góða skemmtun !

[Hallan (IP-tala skráð) 5.6.2008 kl. 14:26]

Góða ferð og skemmtun    Barcelona er bara flott borg!

[Halldóra Ósk (IP-tala skráð) 8.6.2008 kl. 14:13]

Hæ Solla mín, ég hlakka óendanlega mikið til að hitta þig og fjölskyldu þína í Tossa de Mar. Ég trúi því og treysti að þið verðið búin að skanna bestu matsölustaðina og búin að taka frá besta staðinn á ströndinni, þegar við komum út.

Sjáumst hressar og kátar þriðjudaginn 17. júní í þjóðhátíðarskapi og að sjálfsögðu með íslenska fánann

Góða ferð út. 

[Solveig Friðriksdóttir, 8.6.2008 kl. 23:04]

Takk allir.

Ekki málið Halldóra, við verðum með allt á hreinu og líka búin að finna allar góðu gönguleiðirnar, bráðnauðsynlegt eftir góðu matsölustaðina hehe. Það er kominn nettur ferðafílingur í mannskapinn enda stóri dagurinn á morgun  Og Landsliðsfyrirliðinn gleymdi sér big time enda bara farin í frí .