Gleði gleði

Nú er daman orðinn jógakennari. Ég eyddi helginni með samnemendum mínum og kennurum á Hellnum á Snæfellsnesi og þar lukum við 200 stunda jóganámi sem hefur staðið frá því í mars á þessu ári. Þessa fjóra daga lærðum við og kenndum og lærðum enn meira. Yogi Shanti Desai, kennari Guðjóns og kona hans komu frá Bandaríkjunum og hann kenndi okkur þessa fjóra daga.  Upplifunin verður ekki sett í orð en þetta var í einu orði sagt yndislegt. 

 

 

Kona Shanti eldaði dýrindis indverskar krásir fyrir okkur alla dagana og það var svaaaaaaaakalega gott.

Ekki spillti fyrir að vera á þessum fallega og kraftmikla stað. Hver dagur var þaulskipulagður frá A-Ö svo við fórum aðeins í styttri göngutúra um svæðið. En ég er staðráðin að fara um Snæfellsnesið við fyrsta tækifæri.

Ég kom heim seinnipartinn í dag (þriðjudag) og kenndi fyrsta tíma á stafgöngunámskeiðinu. Það var frekar fámennt en góðmennt og það gekk vel.

Jóganámskeiðið hér styttist í annan endann og þá er að skipuleggja næstu lotu sem byrjar upp úr 20. október gaman gaman.

 

Ég keypti mér spjöld með fullt af spakmælum og yfirskrift þeirra er "Frá hjarta jökulsins" 

Búin að draga tvö spjöld úr bunkanum og það fyrsta hljóðar svo:

 

Ég beini ATHYGLI minni að jákvæðum hlutum.

 og það næsta

Ég ÞAKKA fyrir allt í lífi mínu

 

Þannig er mér akkúrat innanbrjósts.  

 

 

Athugasemdir

[Fjóla Þorsteins (IP-tala skráð) 10.10.2007 kl. 07:40]

Til hamingju Solla mín !

[Þóra Björk (IP-tala skráð) 10.10.2007 kl. 08:25]

Til hamingju með áfangann og þú færð mínar stjörnur sem jógakennari þó svo að þú hafir ekki verið komin með prófið upp á vasann þegar ég var í tímum hjá þér.

Gangi þér  vel. 

[Halla Björk (IP-tala skráð) 10.10.2007 kl. 09:20]

Til hamingju með áfangann!

Bið að heilsa öllum :)

[Sigurjón Snær. (IP-tala skráð) 10.10.2007 kl. 16:01]

Til hamingju með þennan áfanga systir.

[Halldóra Skúla (IP-tala skráð) 10.10.2007 kl. 16:48]

Innilega til hamingju með nýja titilinn !!  Hlakka til að fá þig einhvern tíman til að taka HM grúppuna í jóga... 

Kveðja

Halldóra

[Solveig Friðriksdóttir, 10.10.2007 kl. 20:12]

Takk takk

[Hallan (IP-tala skráð) 10.10.2007 kl. 20:54]

Til lukku, yogi Solla. Maður er bara orðinn forvitinn að prófa einn tíma. Sé mig alveg í anda reyna að krumpa mig í jógastellingar þannig að brakar í mjaðmaliðnum góða. Hrædd um að einhver annar yrði þá að vera til taks til að losa mig úr flækjunni :-)  En með "systur" sér við hlið er manni ekkert ófært, ekki satt!

Kærlig hilsen!

[Áslaug (IP-tala skráð) 10.10.2007 kl. 22:11]

Solla mín, til hamingju!!!!

[Sólmundur Friðriksson, 15.10.2007 kl. 06:34]

Innilega til hamingju með áfangann elsku litla sys. Það verður örugglega áhugavert að kynnast stafgöngu með jóga-ívafi þegar Stöddinn verður heimsóttur í næsta mánuði.

Ég er stoltur af þér!

[Solveig Friðriksdóttir, 17.10.2007 kl. 08:36]

Það verður ekkert smá dæmi og jafnvel gómsæt grænmetissúpa ala Solla í eftirmat :)