Burrrrrrrrr

Merkilegt hvað haustkuldinn er rosalega kaldur. Þetta virðist koma manni á óvart á hverju hausti.  Reyndar bregður við þegar hann fellur um nokkrar gráður að því er virðist á einni nóttu.  En mikið lifandi skelfing eru fjöllin falleg og Súlurnar hafa skartað sínu allra fegursta alla vikuna. Þessi var tekin fyrsta morguninn sem gránaði.

 

 

Njótið helgarinnar að vild. Ég ætla að verja tíma mínum í dýrmætum félagsskap kenndan við systurnar frá Hvalnesi.  Treð mér í Súlutreyju með auglýsingunni Spread Satin framan á, örlítið þrengri en um árið en mikið gasalega fara gulu og bláu litirnir mér vel. Að sjálfsögðu verða stuttbuxur og sokkar í stíl.  

Athugasemdir

[Sólrún (IP-tala skráð) 3.10.2008 kl. 13:41]

Já, merkilegt hvað sumar flíkur vilja "hlaupa" með tímanum.  Góða skemmtun um helgina!

[Sesselja Fjóla Þorsteinsdóttir, 4.10.2008 kl. 19:19]

Súlurnar eru æðislegar og einhvers staðar á ég súlutreyju......sem hefur að ég held hlaupið !