Brúðkaup við sjávarnið.

Það gerist vart dásamlegra. Ég varð þeirrar gæfu aðnjótandi að vera við brúðkaup Rósu frænku minnar og Zdenek sl. laugardag. Í garðinum í Sætúni sem hefur tekið þvílíkum stakkaskiptum í sumar frá því að vera eitt þúfna kraðak í það að vera fallegur sælureitur. Stefnir í sannkallaðan listigarð.

Brúðurin var litrík og falleg og eins mikið hún sjálf og hún hefur alltaf verið og Zdenek glæsilegur við hennar hlið. Gunnlaugur lagði sig allan í athöfnina og undirleikurinn frá fjörunni, öldugjálfrið við steinana var stórfenglegur.

Veislan var ekki slor enda meistarakokkar í Skuldinni og skolað niður með góðum veigum. Gleðin stóð langt fram á nótt eða morgun og verður lengi í minnum höfð . 

Sunnudagurinn var sannkallaður hvíldardagur og engin stórafrek unnin. Á mánudag var svo níu ára afmælisveisla frumburðarins míns og eftir hana brunað í tveggja ára veislu  Jónínu frænku hans í Berufirðinum sem hann var svo heppinn að fá í afmælisgjöf.

Mikil gleði og fjör.  

Nú er skólastarfið að hefjast og þá hefst pússl og skipulag. Nú reynir á kerluna að skipta sér á milli fjögurra vígstöðva: heimilisins, skóla, Herbalife og jóga. Yfirleitt kemst það fljótt í rútínu en alltaf samt viðbrigði að koma sér í gang.

Spakmælið:

"Augnablikið er gjöf til mín". G.G.B.  

  

 

Athugasemdir

[Áslaug (IP-tala skráð) 20.8.2008 kl. 18:27]

Takk fyrir síðast. Þetta var frábært brúðkaup.

[Dóra (IP-tala skráð) 22.8.2008 kl. 18:31]

Bara að kvitta.  Er ekki allt í góðu þarna í firðinum væna?  Fór með kennaraliðið og börnin í óvissuferð sl. miðvikudag.  Rigsaði með þau á Steinasafnið fór svo til Ástu og Distu og sótti nesti (sem ég var búin að panta fyrirfram) og inn fyrir Þverá.  Þar borðuðum við punga, kleinur og snúða og ber í tonnavís.  Ótrúlega vel heppnuð ferð og allir kátir.

[Sesselja Fjóla Þorsteinsdóttir, 23.8.2008 kl. 15:20]

Kvitt kvitt.