Tónlistin er algjör sálarhreinsun...

Í dag skelltum við okkur á tónleika í kirkjunni á Djúpavogi. Ég, mamma, Friðrik og Dýrunn lögðum í ferðalag í grenjandi rigningu. Ekki rigndi mikið í kirkjunni og þetta var hin mesta skemmtun. Í fyrri hlutanum söng kirkjukór Djúpavogskirkju lög úr ýmsum áttum, létt og skemmtilegt prógramm. Svo kom kaffihlé með smákökum og kaffi og ekki versnaði dagskráin eftir hlé.

Þá byrjaði Berglind Einarsdóttir með fallegan einsöng eftir Bach og það var hrollur og tár í augum meðan hún söng. Hún var svo sannarlega búin að koma þeim í hvarmana fyrr þegar hún tók sóló með kórnum fyrir hlé. Þá hrundu þau niður á kinnar Já ég er æðislega meyr þegar ég heyri svona fallegan söng.

Síðan færðist svaka fjör í leikinn og Kristjana Stefánsdóttir söng ásamt undileik frábærra tónlistarmanna. Þar var blús blús blús og enginn smá kraftur.

Svo sannarlega á sig leggjandi að aka einn klukkutíma hvora leið til að hlýða á þessa frábæru dagskrá. Þetta var lokaatriðið á Hammondhátíðinni og það eina sem ég sótti að þessu sinni en ég er þess fullviss að ég kem næstu Hammondhátíð inn á dagatalið og fer á fleiri viðburði.

Fyrir krakkana var þetta fulllangt og Dýrunn fékk sér smá lúr á heimleiðinni.

Maí er farinn af stað og það er mega átak í gangi enda styttist í ströndina og að skvísan spóki sig í nýja bikiníinu. Nóg af hreyfitækifærum framundan, matarplan Luigi Gratton hjá Herbalife og góða skapið alltaf með í för.

 Hafið samband ef þið viljið fræðast um hópinn okkar sem vex með hverjum degi enda til mikils að vinna .........

Athugasemdir

[Hallan (IP-tala skráð) 5.5.2008 kl. 10:03]

Hefði mikið verið til í að komast á Hammondhátiðina. Kannski síðar....

Kv. frá Höllunni sem hamast á fjölþjálf(ar)anum