Nýtt ár !

Gleðilegt nýtt ár og takk fyrir það gamla !

 Nú sitja menn sveittir og strengja hvert heitið á fætur öðru eins og venjan er á þessum tímamótum. Mér finnst áramótin alltaf eitthvað sérstök og sem betur fer tek ég á móti nýju ári full bjartsýni og spennt að sjá hvað það ber í skauti sér. 

Ég er í sjálfu sér hætt að strengja einhver áramótaheit, þau er ég að vinna jafnt og þétt með allt árið og heita markmiðin mín, nú fyrir árið 2008 og næstu ár.  Reyndar er alltaf gott að nota tímapunkt sem áramótin til að leggja upp árið, meta hvað náðist á því síðasta og koma sér í gang, skrifa niður, mjög mikilvægt því skrifleg markmið rætast miklu frekar heldur en þau sem við geymum og gleymum í kollinum.  Eitt af mínum markmiðum er að verða sífellt betri og betri manneskja og aldeilis fullt af tólum til að vinna í því. Bókastaflinn á náttborðinu og víðar er alltaf jafn voldugur, samt er ég alltaf að lesa og lesa og eitt af markmiðunum er að koma sér fyrr í bælið á kvöldin og ná að lesa drjúgan skammt fyrir svefninn. Hreyfing og að koma sér í betra og betra líkamlegt form er langtímamarkmið og eitthvað sem er unnið í allt árið, öll ár og þar þarf alltaf að halda vel á spöðunum. 

Ég rakst á mjög skemmtilegt spakmæli sem tengist þessu öllu saman:

Try not. Do. Or do not. There is no try. (Master Yoda úr Star Wars).

 

Svo ætla ég að halda áfram að hafa það eins og ég vil

 

 

 

 

Athugasemdir

[Sesselja Fjóla Þorsteinsdóttir, 2.1.2008 kl. 16:14]

Gleðilegt ár Solla mín !!!!!!

[Sigurjón Friðriksson (IP-tala skráð) 3.1.2008 kl. 13:26]

Gleðilegt nýtt ár kæra systir.

[Áslaug (IP-tala skráð) 3.1.2008 kl. 18:02]

Gleðilegt ár systir góð.

[Hallan (IP-tala skráð) 3.1.2008 kl. 22:01]

Gleðilegt ár Solla mín og endilega haltu áfram að hafa það eins og þú vilt! Það ætla ég allavega að gera  !!

[Þóra Bj. (IP-tala skráð) 3.1.2008 kl. 22:58]

Gleðilegt ár til ykkar allra.....

[Fallega fólkið í Leeds, 4.1.2008 kl. 13:10]

Gleðilegt árið !  Takk fyrir gömlu, hlakka til að upplifa ný og skemmtileg ævintýri með ykkur 2008 !

Kveðja Halldóra og Co.