"Gullkorn barnanna"

Fimmtudagur, 31. maí 2007

Nú er ég í tiltekt á vinnuborðinu mínu og það má eiginlega líkja þessu við fornleifauppgröft. Ég fann nokkra gullmola úr sérkennslufórum mínum sem mig langar að leyfa ykkur að njóta. Þetta er í tengslum við orðskýringar og er engan veginn rekjanlegt til viðkomandi.

Engill - Engill flýgur í loftinu og leggst á skýin þegar hann er þreyttur.

Ull - í gamla daga var gamalt fólk að kemba ull.

Kella - Kella er kona

Ausa - Ausan getur náð kjötsúpunni upp úr pottinum.

Eyja - Eyjurnar eru sumar fyrir sjóræningja og þar geta verið leynistaðir með kistum með peningum, silfri og demöntum.

Sjón - Það er gaman að hafa sjón, svo ég geti nú séð.

Saga - Hér er saga um mann sem var alltaf að saga tré.

Mátti til með að deila þessu með ykkur ! Haldið áfram að eiga góðan dag.

Flokkur: Bloggar | Facebook

Athugasemdir

Þetta er yndislegt.

Áslaug Friðriksdóttir (IP-tala skráð) 31.5.2007 kl. 20:05

Þetta verður að fara í Gullkornabankann!

Sólrún (IP-tala skráð) 31.5.2007 kl. 21:49

Heil og sæl gamla skólasystir, gaman að lesa bloggið þitt - það er semsagt komið í Favorites listann hjá mér. Er einmitt þessa dagana í sömu vorverkunum og þú í vinnunni. Svo er það sumarið framundan!!! Kær kveðja frá Sauðárkróki.

Anna Steinunn Friðriksdóttir (IP-tala skráð) 31.5.2007 kl. 23:45