Lambakjöt frá Hvammi og sjúkraflutningur til Þýskalands.

Í dag var dekrað við karlinn fyrir þræðinguna á morgun.  Hann fékk tvær litlar bollur með litlum rjóma og í kvöld elduðu Halla og Árni lambalærið sem hann kom með út af vænum sauð frá Hvammi.  Hann varð ekki lítið glaður að fá smá skammt af því enda ekkert miðdagskaffi og kvöldkosturinn rýr.  Ekkert saltkjöt og baunir hér í landi á morgun.  

Ég hringdi í Njál og afpantaði nuddtímann á fimmtudag og hann spurði frétta og þá hafði sagan borist til hans á þá leið að hann hefði verið fluttur til Þýskalands á sjúkrahús. Svona skolast sögurnar til.  Við vitum ekki enn hvenær aðgerðin verður framkvæmd, kíkum á hann í fyrramálið og þá fáum við að vita það væntanlega.  Hann ber sig vel og eins og sjá má á myndinni er hann ekki lasaralegur þar sem hann gerir Hvammslærinu góð skil.   

Góðar kveðjur þar til næst. 

 

Athugasemdir

[Guðrún Þorkelsdóttir (IP-tala skráð) 12.2.2013 kl. 00:40]

Mínar bestu kveðjur til ykkar. Vonandi finnið þið fyrir jákvæðu straumum sem ég geri mitt besta til að senda yfir hafið. Ég trúi því og veit að allt fer á besta veg.

Kær kveðja,

Gunna